“Spelling Bee – 2021” Англи хэлний уралдаан
ГХЗАН-ээс уламжлалт “Spelling Bee” уралдааныг Англиар үсэглэх болон зөв бичих чадварыг сайжруулах зорилгоор 2021.10.29-11.11 өдрүүдэд 6-7 дугаар ангийн суралцагчдын дунд 3 үе шаттайгаар амжилттай зохион байгууллаа.
Тус тэмцээний I шатыг 6Б ангид багш Б.Золзаяа, 6А ангид Д.Золжаргал, 7А ангид Б.Мөнхшүр, 7Б ангид Г.Цэрэндолгор багш нар тус тус зохион байгуулсан. Эхний шатанд анги хамт олонтойгоо Англи үгсийг алдаагүй зөв үсэглэн анги тус бүрээс 4 суралцагч шалгарсан ба анги тус бүрийн шилдэг үсэглэгч суралцагчдаас 6Б ангийн суралцагч Г.Биндэръяа болон 7А ангийн суралцагч Ч.Билгүүнтөгс нар финалын шатанд шалгарсан. Ялагчаар 7А ангийн суралцагч Ч.Билгүүнтөгс тодорсон. Уралдаанд идэвхтэй оролцсон суралцагчдадаа талархал илэрхийлээд, улам их амжилтыг хүсэн ерөөе.
