“UB Robot Challenge 2024” робот технологийн тэмцээн
Хүүхэд залуучуудын шинжлэх ухаан, технологи, инженерчлэлийн боловсролыг дэмжих, техник сэтгэлгээ, робот сонирхогчдыг хөгжүүлэх, туршлага солилцох зорилготой “UB Robot Challenge 2024” тэмцээнийг Нийслэлийн засаг даргын тамгын газар, Нийслэлийн боловсролын газар, Нийслэлийн бизнес инновац хөгжлийн газар, Монголын роботын боловсролын нийгэмлэгээс хамтран зохион байгууллаа.
Тус тэмцээний “FLL Unknown mission” төрөлд 10А ангийн суралцагч Г.Нямбаяр, 10Б ангийн суралцагч А.Өсөх-Ирээдүй, 8А ангийн суралцагч Т.Билгүүн нарын бүрэлдэхүүнтэй “Tobot” баг 3-р байрт шалгарч, мөнгөн шагнал хүртсэн бол “Регби тоглодог роботууд” төрөлд 12Б ангийн суралцагч С.Ананд, Б.Бишрэл, Х.Мөнх-Очир нарын бүрэлдэхүүнтэй “Top H” баг 4-р байрт шалгарлаа. Мөн “Шугам дагадаг робот”, “Лего сумо”, “Регби тоглодог роботууд” төрлүүдэд 9 суралцагч амжилттай оролцлоо. Амжилттай оролцсон багш, суралцагчид, сайн дурын ажилтан суралцагчдадаа баяр хүргэж, улам их амжилтыг хүсье.
