Баянгол дүүргийн хувцас загварын “ГОЁЛ-2023“ тэмцээн

БГД-ийн ЕБС-иудын 10-12-р ангийн суралцагчдын “ГОЁЛ-2023“ хувцас загварын тэмцээнд “Шинэ эхлэл” ОУХСС-ийн 9-12-р ангийн 9 суралцагч амжилттай оролцлоо. Тус уралдааны гоёлын загварын төрөлд 10Б ангийн суралцагч Б.Номин-Эрдэнийн “Солонго” коллекци 3-р байрт, 9Б ангийн суралцагч Э.Урнаагийн “Байгалийн дуу хоолой” уран сэтгэмжийн загвар тусгай байрт, 9А ангийн суралцагч Г.Энэржингийн “Индранил” үндэсний хувцасны загвар тусгай байрт тус тус шалгарлаа. Мөн 10А ангийн суралцагч О.Наранчулуу “Ирээдүйтэй загвар өмсөгч” шагналыг хүртлээ. Багийн дүнгээр “Шинэ эхлэл” ОУХСС-ийн баг 3-р байрт шалгарч, нийслэлийн уралдаанд оролцох эрх авлаа. Амжилттай оролцсон суралцагчдадаа цаашдын уралдаанд нь улам их амжилт хүсээд, удирдан чиглүүлсэн дизайн, технологийн багш С.Цолмонд баяр хүргэе.