“UB Robot Challenge 2023” робот технологийн тэмцээн

Нийслэлийн 384 жилийн ойн баярыг тохиолдуулан хүүхэд залуучуудын шинжлэх ухаан, технологи, инженерчлэлийн боловсролыг дэмжих, техник сэтгэлгээ, робот сонирхогчдыг хөгжүүлэх, туршлага солилцох зорилготой “UB Robot Challenge 2023” тэмцээнийг Нийслэлийн засаг даргын тамгын газар, Нийслэлийн боловсролын газар, Нийслэлийн бизнес инновац хөгжлийн газар, Монголын роботын боловсролын нийгэмлэгээс хамтран зохион байгууллаа.

Тус тэмцээний “Америк хөлбөмбөг тоглодог роботууд” төрөлд 11Б ангийн С.Ананд, Б.Бишрэл, Б.Дөлгөөн, Б.Тэмүүлэн, 9А ангийн Г.Нямбаяр нарын бүрэлдэхүүнтэй “TaYo” баг 3-р байрт шалгарч, хүрэл медаль, мөнгөн шагнал хүртлээ. Мөн даалгавар биелүүлэх лего роботын төрөлд 10Б ангийн Э.Бадрах, Н.Тэлмэн, 7А ангийн Ц.Тэнгис нарын бүрэлдэхүүнтэй “ISO” баг 5-р байрт шалгарлаа. Амжилттай оролцсон багш, суралцагчид, сайн дурын ажилтан суралцагчдадаа баяр хүргэж, амжилт хүсье.