МГТИС-ийн нэрэмжит эрдэм шинжилгээ, онол-практикийн X бага хурал
Монгол-Германы хамтарсан ашигт малтмал, технологийн их сургууль (МГТИС) нь ээлжит багш нарын эрдэм шинжилгээ, онол-практикийн X бага хурлыг 2023 оны 10-р сарын 21-ний өдөр Өвөрхангай аймгийн Арвайхээр хотод цахим/танхимаар зохион байгууллаа.
“СУРАЛЦАХУЙ-ЗААХУЙ” сэдвийг онцолсон тус хуралд МГТИС, МУИС, ШУТИС, Шинэ эхлэл, Өвөрхангай аймгийн БШУГ болон тус аймгийн Ерөнхий боловсролын сургуулиудын нийт 100 гаруй багш, судлаачид оролцон олон талын сэдвээр илтгэл хэлэлцүүллээ. Уг илтгэл хэлэлцүүлэгт “Шинэ эхлэл” ОУХСС-ийн Түүх нийгмийн ухааны багш Б.Болортуяа “Шалгуурт суурилсан сургалтын арга зүй, Математикийн багш Б.Бямбацэрэн “Хэвийн тархалт”, Англи хэлний багш Б.Баяртсайхан “How to improve the writing skill of the students” сэдвээр амжилттай оролцлоо. Энэ удаагийн илтгэлийн хэлэлцсэн сэдвүүд нь зөвхөн багш нарын заах арга зүйг сайжруулах бус, суралцагчдын идэвх оролцоог нэмэгдүүлэх, сурах сонирхлыг өдөөх, багийн хамтын ажиллагаанд сургах, суралцагч тус бүрийн онцлогийг харгалзан заах аргыг уялдуулах гэх мэт хоорондоо уялдаа холбоо бүхий олон асуудлыг хөндсөн байлаа.
Багш нарынхаа цаашдын ажил, үйлст нь амжилт хүсье. 
