“Ном бэлэглэе” хандивын үйл ажиллагаа
Завхан аймгийн Баянтэс сумын сургуулийнханд туслах “Ном бэлэглэе” хандивын үйл ажиллагааг НЕБ-ын “Шинэ эхлэл” сургуулийн 7А, 11А, 11Б ангийн суралцагчид санаачлан зохион байгууллаа.
Багш, суралцагчид 4 хоногийн хугацаанд идэвхтэй оролцож, 611 ном цуглуулав. Үүнд: Монгол, Англи хэлээр хэвлэгдсэн уран зохиолын 356 ширхэг, сургалтын гарын авлага, материал 134 ширхэг, сурах бичиг 28 ширхэг (2019 оноос хойш хэвлэгдсэн), нэвтэрхий толь болон бусад 93 ширхэг номыг цуглуулан ангилж, хайрцаглан илгээв.
“Ном бэлэглэе” аянд идэвхтэй оролцсон Шинэ эхлэлчүүддээ болон дэмжин ажилласан эцэг эх, асран хамгаалагчдадаа маш их баярлалаа.
“Олны төлөө хэний зүрх цохилно тэр үнэхээр агуу” гэсэн сайхан үгээр сэтгэлийн галд тань тос нэмье.
