International Students Science Fair – 2023

 

Австрали улсын Брисбэн хотод 12-р сарын 04-08-нд Тогтвортой хөгжлийн боловсролын 7, 11, 12, 13,14, 15 гэсэн 6 зорилтын хүрээнд зохион байгуулагдсан “International Students Science Fair 2023” -д “Шинэ эхлэл” сургуулийн баг амжилттай оролцлоо.

 

Тус үйл ажиллаагаанд ОУ-ын шинжлэх ухаанч сургуулиудын холбооны 12 улсын 29 сургууль оролцсон ба манай сургуулиас захирал Н.Оюунгэрэл, физикийн багш У.Мөнх-Очир, 12а ангийн суралцагч Л.Болормаа, 11а ангийн суралцагч М.Танан, 10б ангийн суралцагч Н.Анар нарын баг Тогтвортой хөгжлийн 13-р зорилтын хүрээнд “Сlimate change in Mongolia” сэдвээр хийсэн судалгааны ажлын илтгэл, постероо танилцуулж, туршлага хуваалцан амжилттай оролцлоо.

 

Түүнчлэн, суралцагчид бусад орны суралцагчидтай хамтран байгалийн ухааны туршилт, судалгааны ажлыг “Translational research institute”-ийн лабораторид тухай сургуулийн багш нарын заавар, зөвлөмжийн дагуу гүйцэтгэж, экскурс хичээлүүдэд хамрагдлаа. Мөн багш нар, захирлуудын дунд ОУ-ын шинжлэх ухаанч сургууль бүрийн онцлог, туршлага, шинэ санаагаа бусдад танилцуулах хэлэлцүүлэг зохион байгуулагдсан юм.

 

Бидний судалгааны ажилд хамтран оролцсон БУЗАН-ийн багш нар болон тусалж дэмжсэн эцэг, эх, асран хамгаалагчдадаа маш их баярлалаа.